Որո՞նք են բջջի հիմնական կառուցվածքային մասերը։
Բջջաթաղանթը,պլազմային թաղանթը և ցիտոպլազման։
Ի՞նչ նշանակություն ունի բջջաթաղանթը։
Բջջաթաղանթը կատարում է պաշտպանական դեր։ Նրա միջով բջիջ են ներթափանցում ջրում լուծված որոշակի նյութեր, և հեռացվում են բջջի համար ոչ պիտանի նյութերը։
Ո՞րտեղ է գտնվում բջջահյութը և ինչ է այն պարունակում։
Համարյա բոլոր բուսական բջիջներում երևում են բջջահյութով լցված խոռոչներ՝ վակուոլներ: Բջջահյութը հեղուկ է` ջրի մեջ լուծված շաքարով և զանազան այլ նյութերով: Օրինակ՝ կիտրոնի բջջահյութում պարունակվում է կիտրոնաթթու։ Բջջահյութ շատ կա հասուն պտուղների բջիջներում և բույսերի հյութալի օրգաններում:
Ի՞նչ գույնի պլաստիդներ կան բուսական բջջում։
Բուսական բջիջներին բնորոշ են հատուկ օրգանոիդներ` պլաստիդներ: Բույսերի տերևներում կան կանաչ պլաստիդներ, որոնք տերևներին կանաչ գույն են տալիս: Գազարի բջիջներում պարունակվում են նարնջագույն պլաստիդներ, հասունացած պտուղներում՝ կարմիր, դեղին պլաստիդներ։ Բույսի անգույն մասերում` արմատներում, պալարներում, պարունակվում են անգույն պլաստիդներ: